ศาสนาบ่ทันฮ่าง

พี่น้องเอ้ย..ศาสนาบ่ทันฮ่าง.......ยังมีทางให้เดินเบิ่ง
บ่ทันเถิงขวบก้ำ........... ....บ่มีฮ่างมุ่นพัง
หากพระธรรมยังตั้ง........ ..ในใจแห่งสาธุชน
ศาสนากะยังทน............. .บ่อ่อนแอลงได้
หากแต่ใจคนสิฮ่าง......... .ห่างคำเพิ่นสอนสั่ง
ศาสนาสิบ่ตั้ง.......... ....ยืนมั่นสิมุ่นเพ..... .ท่อนั้นแหล่ว

ผญาธรรมดีๆ

ธรรมะ       - สูงเลิศล้ำ          ให้ทำแน่  ทางดี
            จารึก          - มีในใจ              ใฝ่แสวงหาไว้
            สุขัง           - มีมาได้              กะย้อนใจพร้อมพรำ
            สติ            - นำสู่ให้              เป็นได้ดังจา
            ผู้ใด๋           - ใจแก่กล้า           อยากลาห่างหนีกรรม
            ประพฤติธรรม   - ทางดี         สิห่างหนีกรรมฮ้อน
            ย่อมอยู่       - สุขาข่อน         อายุขัยในโลก
            เป็นสุข       - หายโศกฮ้อน     คือด้ามดังจา

ผญาเก่า

                 ผญาเก่า
ชื่อโลกีย์กว้าง            เมืองคนมันบ่เที่ยง
มันหากเหงี่ยงซ้อยม้อย  คือค้อยตะฝั่งของ
ลางเทื่อศิษย์กลับได้ เป็นครูสอนสั่ง ก็มีตาย
ลางเทื่อลูกออกก้น        สอนส่อพ่อแม่คิง
ลางเทื่อแนวเด็กน้อย     สอนคนหัวด่อน
ลางเทื่อลูกไพร่บ้าน สอนท้าวบ่าวพระยา ก็มีเด้